Сэлэнгэ аймаг улсын төсөвт 79 тэрбум төгрөг төвлөрүүлжээ

Улсын төсөвт Сэлэнгэ аймаг 79 тэрбум төгрөг төвлөрүүлж, төсөв бүрдүүлэлтээ 123 хувь давуулан биелүүлсэн байна.

Сэлэнгэ аймгийн Татварын газрын дарга Ц.Лхагвадорж:

-Улсын төсөвт Сэлэнгэ аймаг 79 тэрбум төгрөг төвлөрүүлж, төсөв бүрдүүлэлтээ 123 хувь давуулан биелүүлсэн. Татварын алба 100 хувь цахимд шилжсэн. Цахимд шилжсэнээр татварын бааз суурь бэхжихэд илүү дөхөм болсон гэж хэлж болно.

Манай аймгийн хувьд газар тариалангийн бүс нутаг. Энэ ч утгаараа татвар төлөлтийн дийлэнх хэсгийг газар тариалан эрхлэгчид бүрдүүлдэг. Мөн уул уурхайн салбарууд томоохон татвар төлөгч болж байна. 2024 оны тухайд 79 тэрбум төгрөг төвлөрүүлэх зорилт тавин ажиллаж байна гэв.