Чанар муутай, стандарт хангахгүй хөвөгч хэрэгсэл, завь хэрэглэхгүй байхыг анхааруулав

Амралт, зугаалгын улирал эхэлсэн энэ үед бага
насны хүүхдийг хараа хяналтгүй орхихгүй, архи,
согтууруулах ундаа хэрэглэсэн үедээ голын усанд
орохгүй, зориулалтын бус, стандартын шаардлага
хангахгүй хөвөгч хэрэгсэл, завь хэрэглэхгүй байхыг
УОК-оос анхааруулав.
Улсын онцгой комисс орон нутгийн удирдлагуудтай
өчигдөр цахимаар хуралдаж, гол, мөрөн, нуурын
дагуу хөдөлгөөнт эргүүл ажиллуулах, амралт,
сувилал, аж, ахуйн нэгжуудэд заавар, зөвлөмж өгөх,
үерт өртөж болзошгүй айл өрх, аж ахуйн нэгжүүдийг
аюултай бүсээс нүүлгэн шилжүүлэхийг даалгасан
юм. Энэ үеэр дээрх анхааруулгыг өгөхөөр тогтжээ.
Ирэх зургаадугаар сард баруун аймгуудын нутгаар
хур тунадас багатай, дулаахан байх төлөвтөй. Гэвч
төвийн аймгуудын нутгийн зүүн, зүүн аймгуудын хойд
хэсгээр хур тунадас ахиу орох аж.
Иймд гэнэтийн, ус ихтэй, аадар борооны давтамж
өндөр байх магадлалтай тул дээрх бус нутагт үер
усны аюулаас сэрэмжтэй байж, урьдчилан сэргийлэх
шаардлагатайг санууллаа. Түүнчлэн долоодугаар
сард Завханы зүүн, Өвөрхангай, Сүхбаатарын хойд,
Хөвсгөл, Архангай, Булган, Сэлэнгэ, Төв, Хэнтий,
Дорнодын нутгаар хур тунадас олон жилийн
дунджаас ахиу орно.