MSN:Монголд айлчлахын тулд заавал мэдэх ёстой зүйлс

MSN сайтад Монголд айлчлахын өмнө заавал мэдэх зүйлсийн талаар онцолжээ.

Хятад, Оросын дунд хавчуулагдсан Азийн алслагдсан бүс нутагт Монгол хэмээх тусгаар тогтносон, эртний нутаг бий. Хуурай уур амьсгалтай жилийн 250 орчим хоног нарлаг байдаг тул “Мөнх хөх тэнгэрийн орон” гэж нэрлэдэг. Цагаан, цаст уулс дээрх эртний буддын шашны сүмүүд, хүн амын нягтаршил багатай тусгаар тогтносон улс орны өргөн уудам орон зайд бүргэдчид, сарлагчидтай нэг гэрт байрлаж, Чингис хаан, Марко Пологийн зам мөрөөр аялагчдын тоо улам бүр нэмэгдсээр байна.

Түүх рүү буцах энэхүү гайхалтай газар руу аялах нь Парис эсвэл Канкун руу аялахтай адил тийм ч хялбар биш.

Визний шаардлагыг мэдэх

Хэрэв та Америкийн иргэн бол 90 хүртэл хоног оршин суух боломжтой, гэхдээ таны паспорт ирсэн өдрөөс хойш дор хаяж зургаан сарын хүчинтэй байх ёстой. Хэрэв та 30 хоногоос дээш хугацаагаар байхаар төлөвлөж байгаа бол ирснээсээ хойш долоо хоногийн дотор Монголын Цагаачлалын албанд бүртгүүлэх ёстой. Эс тэгэвээс 300 ам.доллар хүртэл торгууль төлөх эрсдэлтэй. 90 хоногийн дараа визийг зөвхөн бизнес, дипломат, суралцах болон бусад төрөл бүрийн аялал жуулчлалын бус ангиллаар олгодог.

Бусад олон үндэстэн виз мэдүүлэхээс өмнө Монголд 30 хоног визгүй байх эрхтэй. Эдгээрт Канад, Австрали, Шинэ Зеланд, Герман, Япон, Их Британи, Франц зэрэг улс багтдаг. Монгол Улсын Засгийн газар 2023 оны нэгдүгээр сард 2023-25 оныг “Монгол Улсад зорчих жил” болгон зарлаж, дэлхийн 34 орны иргэнд 30 хүртэл хоног визгүй зорчих боломж олгосон.

Зуны улиралд аялаарай

Монгол Улс далайд гарцгүй, уур амьсгалын хувьд “Эх газрын эрс тэс” гэсэн ангилалд багтдаг. Зуны улиралд 30 хэм хүртэл халж, өвлийн улиралд 40 градус хүртэл хүйтэрдэг. Улаанбаатарт зургаадугаар сараас наймдугаар сар хүртэл дунджаар 30 хэм орчим халдаг.

Нийслэл Улаанбаатар хотод гадаа хувцас, тоног төхөөрөмжийн дэлгүүрүүд их байдаг тул та ямар нэг зүйлийг мартсан тохиолдолд худалдан авах боломжтой.

Монгол бол газар нутгийн хэмжээгээрээ дэлхийн 20 дахь том улс боловч хамгийн сийрэг хүн амтай тусгаар тогтносон улс юм.

Нүүдэлчдийн суурингаар аялах

Монголын хойд зүгт орших цаа бугачдад зочлох, казах бүргэдчидтэй уулзах зэрэг мэргэжлийн аялалуудыг санал болгодог. Хэрэв та эдгээр бүх туршлагыг хослуулахыг хүсэж байвал аялал жуулчлалын компаниуд захиалгат аялал хийдэг.

Хэрэв та ганцаараа явахыг хүсвэл

Зуслангийн хэрэгсэл, анхны тусламжийн иж бүрдэл, мууддаггүй хоол хүнс, шүүсэн ус авч явах хэрэгтэй. Эм авахаа бүү мартаарай, ялангуяа харшилтай бол. Шороон замд явах чадалтай дөрвөн дугуй хөтлөгчтэй машин хөлсөлж, хэд хэдэн нөөц дугуй аваарай. Тал нутгийн өвс 7, 8-р сард усархаг болдог тул 6, 9-р сард машин жолоодох нь аюулгүй. Цөлд үүрэн холбооны үйлчилгээ найдваргүй байдаг тул аялалынхаа зураглалыг урьдчилан гаргах хэрэгтэй.

Хоолондоо анхаараарай

Монгол бол махан идэштний диваажин бол цагаан хоолтнуудын хувьд сорилт. Тус улсын ихэнх хэсэг нь мал маллаж амьжиргаагаа залгуулдаг. Монголчуудын хоол хүнсний гол зүйл бол хонь, үхрийн мах, ямаа, адуу, тэмээ юм. Бууз, шарсан банш (хуушуур), шарсан мах, цуйван, хорхог гээд ихэнх хоолонд мах ордог. Сүү ч мөн адил түгээмэл бөгөөд нутгийн зарим алдартай хүнсэнд ааруул, тараг, айраг (гүүний сүүгээр хийсэн бага зэрэг согтууруулах ундаа), ингэний сүүгээр хийсэн тараг болох хоормог багтана. Хэрэв та цагаан хоолтон бол идэх зүйл олоход хүндрэлтэй байж магадгүй. Түүнчлэн нүүдэлчидтэй хамт байхаар төлөвлөж байгаа бол тэдний хийсэн хоолыг идэхгүй байх нь үл хүндэтгэсэн хэрэг гэж үздэг.