Эзэнгүй нохой муурыг сард 1-2 удаа устгадаг

Иргэдийн гомдол саналын дагуу эзэнгүй нохой муурын устгалыг сард хоёр удаа хийдэг байна.

Жилд эзэнгүй нохой муурт хазуулан гэмтэж бэртсэн 2000-3000 иргэн гэмтлийн эмнэлэгт ханддаг бөгөөд үүний дийлэнх хувь нь хүүхдүүд байдаг аж. Иймээс иргэдийн санал хүсэлтээр дүүрэг хорооноос нохой устгалын ажлыг сард хоёр удаа зохион байгуулдаг талаар албаныхан мэдээллээ.

Манай улсад 250-иас 300 мянган эзэнгүй нохой муур байдаг гэх албан бус тоон мэдээлэл байна.

Хүйтэн орсонтой холбоотойгоор олон төрийн бус байгууллагууд нохой муурыг асрамжилдаг хэдий ч улсын байгууллагаас дорвитой арга хэмжээ авалгүй өдрийг хүрлээ.