2017/09/25 Улаанбаатар
2017 оны 09 сарын 13

Сингапур улсын анхны эмэгтэй Ерөнхийлөгчөөр Халима Якоб сонгогдсон тухай “Channel News Asia” мэдээллээ. 63 настай Халима Якоб өмнө нь парламентын спикерээр ажиллаж байжээ. Тэрбээр сүүлийн 47 жилд энэ албан тушаалыг хашиж байгаа анхны малай үндэстэн гэнэ.

Сонирхуулахад, 2016 оны 11 сард гарсан тогтоолоор Сингапурын 2017 оны Ерөнхийлөгчийн албан тушаалд зөвхөн малайчууд нэрээ дэвшүүлж өрсөлдөх ёстой аж. Ерөнхийлөгчид 4 хүн өрсөлдөхөөр бичиг баримтаа өгсөн ч 2 нь бүр нэр дэвшигчдийг бүртгэх шатанд хасагджээ. Тэдний бичиг баримтууд зөрчилтэй, өөрөөр хэлбэл малай биш байсан. Ер нь Сингапурт 3 үндэстэн амьдардаг, тэд бол хятадууд, энэтхэгчүүд, малайчууд.  

Ерөнхийлөгчид нэрээ дэвшүүлсэн хүмүүст тавьдаг 2 шаардлага бий: Нэр дэвшигч төрийн алба хашсан эсвэл 500 сая сингапур долларын (371 сая ам.доллар) хөрөнгөтэй компанийг толгойлдог байх ёстой. Гэтэл эдгээр шаардлагыг бүрэн хангасан цорын ганц нэр дэвшигч нь Якоб болж таарчээ. Иймээс Сингапур улс сонгуулиа явуулсангүй, Халима Якоб автоматаар Ерөнхийлөгч болсон аж. Гэхдээ Сингапурын Ерөнхийлөгчийн эрх хязгаарлагдмал, үнэн хэрэгтээ тус улсыг Ерөнхий сайд удирддаг юм байна. 

www.mnews.mn

Сэтгэгдэл