“Улаанбаатар гурил” ХХК-ийн гурилын агуулахад гал гарчээ
“Улаанбаатар гурил” ХХК-ийн гурилын агуулахад гал гарчээ. Тодруулбал, Нийслэлийн Баянгол дүүргийн тавдугаар хороо, “Улаанбаатар гурил” ХХК гурилын үйлдвэрийн агуулах шатаж байна гэсэн дуудлагыг 12 сарын 25-ны өдрийн 06:38 цагт НОБГ-т иржээ.
Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги, Баянгол дүүргийн Онцгой байдлын хэлтсийн Гал түймэр унтраах, аврах 18 дугаар анги, Сонгинохайрхан дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид ажиллаж, гал түймрийн тархалтыг 07:30 цагт зогсоож, бүрэн унтраахаар ажиллаж байна.
“Улаанбаатар Гурил” ХХК нь Монгол Улсын гурилын зах зээлийн 30 гаруй хувийг дангаараа хангадаг юм.
About Author
