Баян-Өлгий, Баянхонгор аймгийн зарим газар зам даваа хаагдсаныг нээжээ

Баян-Өлгий аймгийн төвөөс баруун тийш 150 км-т орших Цэнгэл сум II багийн “Хаг” гэдэг газар,
Баянхонгор аймаг, Галуут сумын Хайрхан багийн “Бунхант” мөн аймгийн
Эрдэнэцогт сум, Угалз багийн “Дээд жаргалант” орчим газруудад зам даваа цасанд боогджээ.

Зорчих хөдөлгөөн хязгаарлагдсан тухай дуудлага өчигдөр /2024.02.27/-нд хүлээн авсан байна. Дуудлагын дагуу дээрх аймгуудын Онцгой байдлын газрын алба хаагчид үүрэг гүйцэтгэжээ. Хаагдсан зам давааг нээж, малчдад шаардлагатай нүүрс, түлээ, өвс тэжээл хүргэж өгч ажиллалаа.

Хэнтийн уулархаг нутаг, Дорнодын талд цас орж, цасан шуурга шуурах төлөвтэй байгаа тул малчид, иргэд аюулгүй байдлаа хангахыг зөвлөв.