Х.Баттулга өөрийн хүнийг Аж үйлдвэр,эрдэс баялгийн сайд болгохоор зүтгүүлж байна

Ардчилсан нам дотор Засгийн газрын гишүүн, сайд
болох өрсөлдөөн эхэлж, тодорхой нэрс яригдаж
байгаа талаар манай сайт өмнө нь мэдээлсэн. Шинэ засгийн газраас АН 7-8 сайдын суудал авах тохироотой байгаа.
Харин АН-ыг төлөөлөн сайдаар томилогдох нэрс
дунд Хангайн бүсээс анх удаа УИХ-д сонгогдсон
Д.Жаргалсайхан байгаа гэнэ. Түүний хувьд өмнө нь
Баянхонгор аймгийн засаг даргаар ажиллаж байсан
бөгөөд Ерөнхийлөгч асан, одоогийн УИХ-ын гишүүн
Х.Баттулгын фракцид хамаардаг. Өөрөөр хэлбэл нэг
нутгийн дүү нь.
Хамтарсан 3Г-т орох дэмжлэг авах шийдвэрт АН-даа
нөлөөтэй байгаа томоохон фракциуд нөлөө үзүүлнэ.
Түүнчлэн хэн, хэн 3Г-т орж, сайдын суудал авахыг ч
АН доторх фракциудын тохироогоор шийднэ. Тэр ч
утгаараа АН-ын авах 7-8 сайдаас МОАХ буюу
Х.Баттулгын фракц 1-2 сайд авах нь тодорхой.
Хамгийн түрүүнд О.Алтангэрэл Хууль зүйн сайдад
яригдаж байгаа бол Д.Жаргалсайханыг Аж үйлдвэр,
эрдэс баялгийн сайд болгохоор санал болгосон гэнэ.
Анх удаа УИХ-д сонгогдсон гишүүд сайд болох нь
тийм ч түгээмэл биш. Тэр дундаа дөнгөж УИХ-ын
гишүүнээр сонгогдсон улс төрчдийг сайдаар томилно
гэдэг улс төрийн том дэмжлэг байгаа гэсэн үг. Энэ
бүхний ард Ерөнхийлөгч асан, одоогийн УИХ-ын
гишүүн .Баттулга байгаа бөгөөд Д. Жаргалсайханыг
зүтгүүлж байх магадлалтай юм.