ОХУ-аас Монгол Улсад суугаа Онц бөгөөд Бүрэн эрхт Элчин сайд А.Н.Евсиковыг хүлээн авч уулзлаа

Монгол Улсын Шадар сайд, Монгол-Оросын Засгийн газар хоорондын Комиссын Монголын хэсгийн дарга С.Амарсайхан ОХУ-аас Монгол Улсад суугаа Онц бөгөөд Бүрэн эрхт Элчин сайд А.Н.Евсиковыг хүлээн авч уулзлаа.

Уулзалтын эхэнд Халхын голын байлдааны ялалтын 85 жилийн ойг тэмдэглэх хүрээнд ОХУ-ын Ерөнхийлөгч В.В.Путины манай улсад хийсэн албан ёсны айлчлал хоёр улсын найрсаг харилцаа, хамтын ажиллагааг өргөжүүлэн гүнзгийрүүлэхэд томоохон түлхэц өгснийг талууд онцлон тэмдэглээд, удахгүй зохион байгуулах Монгол-Оросын Засгийн газар хоорондын Комиссын 26 дугаар хуралдааны бэлтгэл ажлыг хангах асуудлаар харилцан санал солилцлоо.