Н.Учрал: 1XBET-тэй холбоотой 6000 гаруй домайныг хаасан ч шинээр үргэлжилсээр. Тиймээс үүнтэй холбоотой хуулийн төслийг яаралтай горимоор УИХ-д өргөн мэдүүлнэ
УИХ-ын гишүүн, ЗГХЭГ-ын дарга Н.Учрал өөрийн цахим хуудаснаа “Цахим мөрийтэй тоглоомын хяналтыг чангатгах хүрээнд 1XBET-тэй холбоотой болон бусад 6000 гаруй домайныг хаав. Гэвч хууль бус үйл ажиллагаа шинэ домайнаар үргэлжилсээр байна. Тиймээс асуудлыг бүрэн шийдэх хууль эрхзүйн зохицуулалтыг боловсруулж дууслаа. УИХ-д нэн яаралтай горимоор өргөн мэдүүлэхээр Засгийн газрын хуралдаанд танилцуулна. Хуультай холбоотой асуудлаар дэлгэрэнгүй мэдээллийг удахгүй хүргэнэ” гэжээ.
