“Виз найдвартай гаргаж өгнө” гэх мэдээлэлд итгэж залилуулах тохиолдол их гарч байна
“Виз найдвартай гаргана” хэмээн 600 гаруй иргэнээс 3-30 сая төгрөгийн төлбөр авч нийт 3.5 тэрбум төгрөгийн хохирол учруулсан хэрэгт Сүхбаатар дүүргийн прокурорын газраас хяналт тавин ажиллаж байна.
Визний залиланд өртсөн хохирогчид ихэвчлэн цахим сүлжээнд байршуулсан “Оюутан, сурагчдад сургалтын виз гаргаж өгнө”, “Гэр бүлээрээ амьдрах боломжтой виз хурдан шуурхай, найдвартай гаргаж өгнө” гэсэн мэдээлэлд итгэж, хувь хүнтэй тохиролцон, улмаар урьдчилгаа төлбөр болгон мөнгөө шилжүүлэн хохирчээ.
Аливаа улсын сурах, зорчих, ажиллах визийг Монгол Улсын иргэн, хуулийн этгээд гаргадаггүй гэдгийг иргэд ойлгох хэрэгтэйг албаныхан анхааруулж байна.
Ташрамд, Сүхбаатар дүүргийн прокурорын газрын нийт гэмт хэргийн шинжтэй гомдол мэдээллийн 70 гаруй хувийг залилах гэмт хэргийн шинжтэй гомдол мэдээлэл их ирдэг байна.
About Author
