Шуурганаар цахилгаан тасарсан Эрдэнэ сумыг тогтой болгожээ
Говь-Алтай аймгийн Эрдэнэ суманд энэ сарын 10-11-ний хооронд болсон хүчтэй шуурганаар цахилгааны шугам унаж, утас тасарсан байна.
“Алтай-Улиастайн эрчим хүч” ТӨХК уг шугамыг засаж, цахилгаан хангамжийг сэргээжээ. Одоо Эрдэнэ сум эрчим хүчээр бүрэн хангагджээ.
Уг засварыг “АУЭХС” ТӨХК-ийн шугам засварын бригад шугамын мастер Б.Төрболдоор ахлуулсан, 12 хүн, 2 техник хэрэгсэлтэй баг гүйцэтгэжээ.
