Өнөөдрөөс эхлэн төр захиргааны байгууллагуудын ажлын цаг 07:00-16:00 боллоо

Нийслэлийн төр, захиргааны байгууллагуудын ажиллах цагийн хуваарьт өнөөдрөөс эхлэн өөрчлөлт орж байгаа талаар мэдээллээ. Тодруулбал, нийслэлийн төрийн байгууллагынхан 07:00-16:00 цагийн хооронд ажиллахаар болсон байна.

Тус хуваарь зургадугаар сарын 1-нээс наймдугаар сарын 31-нийг дуустал хэрэгжих аж.

Энэ шийдвэр нь нийслэлийн авто замын ачааллыг бууруулах, албан хаагчдын ажлын бүтээмжийг нэмэгдүүлэх, гэр бүлтэйгээ өнгөрүүлэх чөлөөт цагийг нэмэх зорилгоор хотын дарга Х.Нямбаатарын гаргасан шийдвэр гэв.