“Талын салхи” олон улсын мото фестиваль жанжин Д.Сүхбаатарын талбайд эхэллээ. Энэ удаагийн мото наадамд Монгол Улсаас 60 мото клубийн 2000 гаруй мотоцикл сонирхогч, БНХАУ-ын 130, ОХУ-ын 400 орчим, Малайз, Хонгконг, Вьетнам, АНУ, Герман зэрэг олон улсын мото сонирхогчид оролцлоо.

Мото наадамд оролцогчид 12:00 цагт нэгдсэн байдлаар цуваагаар хөдөлж, “Энхтайваны өргөн чөлөө буюу Сүхбаатарын талбай-Улсын их дэлгүүр- Баруун дөрвөн зам-Таван шар-61-ийн гарам-Хүй долоон худаг” гэсэн маршрутаар явсан юм.

Арав дахь жилдээ зохион байгуулагдаж байгаа фестивальд энэ жил оролцохыг хүссэн хүн бүрд нээлттэй гэдгээрээ онцлог юм. Өмнө нь дотоодын мото сонирхогчид , клубуудын дунд зохиогддог байсан “Талын салхи” наадам зөвхөн моточид төдийгүй гадаад дотоодын жуулчдын сонирхлыг татсан зуны томоохон наадам болж хүрээгээ тэлсэн.

About Author

mnews2

See author's posts