СЭРЭМЖЛҮҮЛЭГ: Согтуугаар мотоцикл жолоодож яваад автомашинтай мөргөлджээ
Өчигдөр буюу энэ оны зургаадугаар сарын 16-ны өдөр “Макс моллын урд замд мотоциклтой мөргөлдлөө” гэх дуудлага, мэдээлэл цагдаагийн байгууллагад иржээ.
Дуудлага, мэдээллийн дагуу шалгалтын ажиллагаа явуулахад Toyota Prius маркийн тээврийн хэрэгсэл жолоодож явсан 24 настай эрэгтэй Э мотоциклтой мөргөлдөж, мотоциклийн жолооч 19 настай эмэгтэй Ш гэмтсэн хэргийг Тээврийн цагдаагийн албаны Мөрдөн шалгах хэлтэс үргэлжлүүлэн шалгаж байгаа бөгөөд тухайн мотоциклийн жолооч согтуугаар замын хөдөлгөөнд оролцож байсан нь тогтоогдсон аж.
Иргэд, жолооч та бүхэн замын хөдөлгөөнд оролцохдоо мөрдөгдөж буй хууль тогтоомж, дүрэм журмыг сайтар мөрдөж, бусдын хөдөлгөөнд саад учруулалгүйгээр бие биедээ хүндэтгэлтэй хандаж, болзошгүй эрсдэлээс урьдчилан сэргийлэхийг Цагдаагийн Ерөнхий Газрын Хэвлэл Мэдээллийн Төвөөс анхааруулав.
