“Уяачид, бөхчүүд дурын газар гэр барьж, машин тойруулан, дуртай газраа явдаг”
Нийслэлийн удирдах ажилтнуудын шуурхай зөвлөгөөн өнөөдөр болж, дараах шийдвэрийг гаргажээ.
Үндэсний их баяр наадмын бэлтгэл ажлын хүрээнд Хүй долоон худгийн авто замаас баруун тийш автомашин гаргахгүй байхаар тогтлоо. Өнөө зун хур багатай, гандуу байна. Ийм нөхцөлд уяачид, бөхчүүд дурын газартаа гэр бариад машинууд тойруулаад хаа дуртай газраа яваад байж болохгүй. Гэрийг барих ёстой газарт нь л бариулна.
Нэгдсэн зогсоолд машинаа байршуулж, мориор эсвэл цахилгаан машинаар зочдоо угтахаар зохицуулна. Энэ арга хэмжээ наадамчин олныг аятай тухтай, дэлгэр сайхан наадах боломжийг нь олгох зорилготой гэв.
