Судалгаа: AI чатбот өсвөр насныхны сэтгэцэд сөргөөр нөлөөлж болзошгүй
Эх сурвалж: CNBC
• 2025 оны долдугаар сарын тайланд өсвөр насныхны 72% нь хиймэл оюун хэрэглэж байгааг харуулжээ.
• Хэт олон удаа чатбот хэрэглэсэн хүүхдүүд амиа хорлосон тухай эцэг эхчүүд
Конгрессын өмнө мэдүүлэг өгчээ.
• Судлаачдын зүгээс хиймэл оюунт чатботтой удаан харилцах нь сэтгэцийн
эрсдэл дагуулж болзошгүй гэж анхааруулж байна.
АНУ-д хийгдсэн сүүлийн үеийн судалгаагаар 13-17 насны хүүхдүүдийн 72 хувь нь
хиймэл оюун түнш хэрэглэж үзсэн нь сэтгэцийн эрүүл мэндийн шинэ эрсдэлийг илтгэж байна. Судалгаанд орсон хүүхдүүдийн 12-13 хувь нь AI чатботтой өдөр бүр
харилцаж байгаа нь хэрэглээний давтамж өндөр байгааг харуулжээ. Зарим эцэг эх
хүүхдийнхээ сэтгэлзүйн байдал өөрчлөгдөж буйг онцолж, АНУ-ын Конгресст
мэдүүлэг өгөх үеэр амиа хорлолттой холбоотой харамсалтай жишээ ч дурдагдсан
байна:
Нью-Йоркийн Их сургуулийн судлаач Жонатан Хайд нэг Al чатботтой 30-аас дээш
удаа дараалан харилцах нь эрсдэлийг мэдэгдэхүйц нэмэгдүүлдэг гэж дүгнэжээ.
Түүний үзэж буйгаар өгөгдөлд суурилсан нэг хэвийн, хязгаарлагдмал хариу үйлдэл
нь хэрэглэгчийн сэтгэлзүйд төөрөгдөл үүсгэж, бодит хүний харилцааг гажуудуулж
болзошгүй аж.
OpenAl-ийн гаргасан тайланд ч урт хугацаанд үргэлжилсэн харилцааны үед
чатботын хяналт сурах хандлага ажиглагддаг болохыг хүлээн зөвшөөрсөн байна. АI
платформууд хувь хoний дотоод ертөнцөд улам гүн нэвтэрч байгаа нь хиймэл нөхөр,
хүний хоорондын хил хязгаарыг бүдгэрүүлж, өсвөр үеийнхний сэтгэлзүйн эмзэг
байдлыг нэмэгдүүлэх эрсдэлтэй гэж мэргэжилтнүүд анхааруулж байна.
Тухайлбал, Character.Al, Meta Al зэрэг өсвөр насныханд зориулагдсан чатботын
хэрэглээ эрчимтэй өсөж байна. Эдгээр систем нь багш, найз, зөвлөгчийн
дүртэйгээр харилцдаг тул хүүхэд түүнийг бодит хүн мэт хүлээн авч, илүү өндөр
сэтгэл хамаарал үүсгэх тохиолдол ажиглагджээ. Энэ нь гадаад орчны бодит
харилцааг орлох хандлагатай болж, сэтгэцийн эмзэг байдалд хүргэж болзошгүйг
судлаачид онцолж байна.
Ийм нөхцөлд эцэг эх, багш сурган хүмүүжүүлэгчид болон зохицуулах
байгууллагуудын оролцоо нэн чухал болж байна. Хиймэл оюуны чатботын өгч буй
дэмжлэг хүний нөхцөлийг бүрэн орлох боломжгүй тул өсвөр үеийнхэн хэт гүнзгий
хамаарал үүсгэхээс сэргийлж, хэрэглээний хязгаар мөрдөх шаардлага зайлшгүй
гэж мэргэжилтнүүд зөвлөж байна.
