“Сурагчдын амралтыг 14 хоногоор наашлуулах” хувилбарыг авч үзэх саналыг хүргүүлжээ
-Томуу, томуу төст өвчний дэгдэлт XII.15-д оргил үедээ хүрнэ-
Эрүүл мэндийн яам томуу, томуу төст өвчний цаг үеийн нөхцөл байдлын талаар мэдээлэл хийлээ. Мэдээллийн хураангуйг хүргэе.
-Улаанбаатар болон тархалт өндөр байгаа аймгуудад эрсдлийн үнэлгээ хийхэд томуу, томуу төст өвчний дэгдэлт 12 сарын 15-нд оргил үедээ хүрэх тооцоо гарчээ. Дэгдэлтийн оргил үед томуу, томуу төст өвчний шалтгаанаар хоногтоо 10-42 мянган хүн абмулаторт үзүүлж, 1,000 хүн хэвтэнэ гэсэн тооцоо гарсан байна.
-ЭМЯ эрсдлийн үнэлгээндээ тулгуурлан “Сурагчдын амралтыг 14 хоногоор наашлуулах”, “Цахим хэлбэрт шилжүүлэх” хувилбарыг авч үзэх саналыг Боловсролын яаманд хүргүүлсэн байна.
-Энэ жил томуу, томуу төст өвчний 300,000 тун вакцин бэлдсэн. ДЭМБ вакцинжуулалтыг 95 хувьд хүргэвэл үр дүнтэй гэж үздэг. Бид 99 хувь вакцинжуулсан.
-Нэгдсэн эмнэлгийнх нь орны ачаалал хэтэрсэн Баянзүрх, СХД-ийн иргэдийг ХӨСҮТ, Эх нярайн эрүүл мэндийн үндэсний төв зэрэг бусад эмнэлгүүдэд хуваарилах арга хэмжээ авсан. Өнөөдрөөс БЗД, СХД-ийн эмнэлгүүд дээр ачаалал буурч байна.
-Өчигдөр 1100 орны нөөц байсан ч бид 1200 гаруйгаар нэмэгдүүлсэн. Орны ачаалал илүү байсан Баянзүрх, СХД-ийн иргэдийг ХӨСҮТ, Эх нярайн эрүүл мэндийн үндэсний төв зэрэг бусад эмнэлгүүдэд хуваарилах арга хэмжээ авсан. Өнөөдрөөс БЗД, СХД-ийн эмнэлгүүд дээр ачаалал буурч байгаа. Цаашдаа хаана, хэдэн ор нэмэлтээр дэлгэх вэ гэдэг зохицуулалтыг хийнэ.
