Дорнод аймагт автомашинтай малдаа яваад сураггүй болсон иргэдийг эсэн мэнд олжээ
Дорнод аймагийн Гурванзагал сумын Рашаат багийн Цагаан хонхор гэдэг газар аймгийн төвөөс зүүн хойд зүгт 140 км, сумын төвөөс зүүн урд зүгт 45 км зайд 02 дугаар сарын 24-ний өдрийн 17:30 цагт автомашинтай иргэд малдаа яваад сураггүй болсон тухай мэдээллийг 02 дугаар сарын 25-ны өдрийн 01:30 цагт хүлээн авчээ.
Дуудлагын дагуу сумын мэргэжлийн ангийнхан эрэн хайх ажиллагааг шуурхай зохион байгуулж, мөн өдрийн 12:50 цагт тус багийн Хоргой гэдэг газар малаа хоргож байсан иргэн Х (34 настай, эрэгтэй), М (32 настай, эмэгтэй), мөн “Land Cruiser-200” загварын автомашинтай иргэн Х (37 настай, эрэгтэй), А (3 настай, эрэгтэй) нарыг эсэн мэнд олсон байна.
