Ардчилсан нам Үндэсний бодлогын хорооны гишүүнд нэр дэвшигчдийг бүртгэж байна
Ардчилсан намын Дотоод сонгуулийн хорооноос өнөөдөр цаг үеийн асуудлаар мэдээлэл хийлээ.
Дотоод сонгуулийг зохион байгуулах Ажлын хэсгийн ахлагч О.Баасанхүү “Ардчилсан намын дотоод сонгуулийн үйл ажиллагаа амжилттай үргэлжилж байна. Бүртгэл өнөөдрийн байдлаар ид дундаа явж байгаа. Бид Үндэсний бодлогын хороо, Хяналтын хороо, намын нийт гишүүдийн буюу Намын их хурлын төлөөлөгчдийг сонгох Ажлын хэсэг эхний ээлжинд өчигдрөөс Үндэсний бодлогын хорооны гишүүнд өрсөлдөх хүмүүсээ бүртгэж эхэлсэн. 378 орон тоон дээр 1000 орчим хүн өрсөлдөх болов уу гэж төсөөлж байна” гэсэн мэдээлэл өглөө.
