Х.Нямбаатар: Увайгүй хулгайч нартай уушгины гурван судсаа тасартал тэмцэнэ
Эх сурвалж: ZUV.MN
Хотын дарга Х.Нямбаатар өөрийн цахим хуудастаа дараах зүйлийг нийтэлжээ.
Тэрбээр “Улс төржиж болно. Шүүмжилж болно. Гүтгэж ч болно. Албан тушаалд шунаж зайлуулахыг эрмэлзэж болно. Харин хүний гэр бүлээр, үр хүүхдүүдээр оролддог улс төрийг өнгөрсөн жилээс нутагшуулж сурлаа та нар. Одоо та нарын миний бурхандаа морилсон өвөг дээдэс эцэг өвгөдийн минь ясыг өндөлзүүлж увайгүй улс төр хийж байгаа нь дэндүү ичгүүргүй увайгүй улс төр боллоо. Оюук бид хоёрыг та нар юу ч гэж доромжилж болно. Бидний үзэл санаа хэзээ ч өөрчлөгдөхгүй. Нийтийн өмчийг хулгайлсан, хэвлэлийг худалдаж авсан, Байгалийн баялагт эзэн суусан. Улсаа харьд худалдаж офшор дансанд хийсэн мөнгөнийхөө хэмжээг мэдэхээ больсон увайгүй та нартай уушгины 3 судсаа тасартал тэмцэнэ ээ” гэжээ.
