ОБЕГ: Энэ сарын 13-нд Сүхбаатар аймгийн Эрдэнэцагаан суманд гарсан хээрийн түймрийг бүрэн унтраалаа
Онцгой Байдлын Ерөнхий Газраас мэдээлснээр(ОБЕГ) Сүхбаатар аймгийн Эрдэнэцагаан сумын Жаргалант багийн “Бөөрийн хөндий” гэдэг газар тавдугаар сарын 13-ны өдрийн 10:40 цагт гарсан хээрийн түймрийг өнөөдөр (2026.05.15) 07:20 цагт цурамд оруулж, 14:27 цагт бүрэн унтраажээ.
Харин Сэлэнгэ аймгийн Хүдэр сумын Баянцагаан багийн “Хэрц” гэдэг газар тавдугаар сарын 14-ний 17:54 цагт гарсан ойн түймрийг урд шөнө буюу тавдугаар сарын 15-ны 01:45 цагт цурамд оруулсан байна.
Цаг уурын байгууллагаас ирүүлсэн мэдээгээр тавдугаар сарын 13-ны өдрийн байдлаар Архангай, Булганы нутгийн зарим газраар хуурайшилт бага, бусад нутгаар хуурайшилт их болон нэн их хуурайшилттай байна.
Иймд иргэд ой, хээрийн бүсэд зорчихдоо галын аюулгүй байдлыг чанд сахиж, ил гал гаргахгүй байхыг онцгойлон анхаарууллаа.
Эх сурвалж: ОБЕГ
