УБТЗ 7-р сарын 1-нээс зорчигч болон ачаа тээвэрлэх үнээ нэмжээ

“Улаанбаатар төмөр зам” хувь нийлүүлсэн нийгэмлэгээс энэ сарын нэгнээс эхлэн тээвэрлэлтийн үнээ өөрчиллөө. Тодруулбал, Монгол Улсын Засгийн газрын тохируулагч агентлаг “Шударга Өрсөлдөөн хэрэглэгчийн төлөө газар”-ын зөвшөөрлийн дагуу Удирдах зөвлөл болох Ерөнхий хорооны 2023 оны зургаадугаар сарын 20-ны хурлын шийдвэрээр 2023 оны 7-р сарын 1-ний өдрөөс эхлэн “УБТЗ” ХНН-ээр

өнгөт, хар төмөр тээвэрлэх тарифыг 17.8 хувиар,
мод, модон эдлэл тээвэрлэх тарифыг 50.1 хувиар,
машин механизм, тоног төхөөрөмж тээвэрлэх тарифыг 23.4 хувиар,
ноос ноолуур, арьс шир тээвэрлэх тарифыг 24.1 хувиар,
орон нутгийн харилцаанд нүүрс тээвэрлэх тарифыг 4.6 хувиар,
барилгын материал тээвэрлэх тарифыг 39.5 хувиар,
гэрийн хэрэглэл тээвэрлэх тарифыг 7.4 хувиар,
чингэлэг тээвэрлэх тарифыг 5.8 хувиар,
орон нутгийн харилцаанд болон олон улсын харилцаанд зорчигч тээвэрлэх тарифыг 50 хувиар тус тус индексжүүлэх болсноо цахим хуудсандаа мэдэгджээ.

Түүнчлэн БНХАУ-аас ОХУ руу Монгол Улсын нутгаар дамжин өнгөрөх ачаа тээвэрлэлтийн тарифт үзүүлэх хөнгөлөлтийн хэмжээг Ерөнхий хорооны 2023 оны 5-р сарын 23-ны хурлын шийдвэрээр 10 хувиар бууруулж тооцох болсноо мэдэгдэв.

“Индексжүүлнэ нэмнэ гэдэг нь инфляцтай уялдуулан тооцсоны үндсэн дээр тарифаа өөрчлөн нэмэгдүүлнэ гэсэн үг юм байна.