“Робокон-2023” робот, электроникийн тэмцээн боллоо

Оюунлаг, хөдөлмөрч, бүтээлч уриатай “Зохион Бүтээгчдийн Академи”-иас ЕБС-ийн сурагчдын дунд жил бүр зохиогддог “Робокон 2023” робот- электроникийн тэмцээнийг 2023 оны арванхоёрдугаар сарын 16-ны өдөр зохион байгууллаа. Тус тэмцээнд Арвис, Солонго SF, Зохион бүтээгчдийн академийн 80 гаруй сурагч хоёр ангилалд оюун ухаан, авьяас билгээ сорилоо.

Тэмцээний зорилго нь зохион бүтээх уралдаант арга хэмжээнд тулгуурлан сурагчдын шинийг санаачлах, бүтээлч сэтгэлгээг хөгжүүлж, сургалтаар олж авсан мэдлэгийг бататгахад чиглэжээ. Энэ удаагийн тэмцээнд багууд өгөгдсөн хугацаанд “Электрон гэрлэн самбар” угсрах, “Робот хөлбөмбөг” сэдвийн хүрээнд роботуудыг зохион бүтээж, програмчлан түүгээрээ тоглож өрсөлдлөө.

3-4 ангийн сурагчийн ангилалд:

Ерөнхий боловсролын Солонго SF сургуулийн 11А ангийн сурагч Б.Тэмүүлэнгийн удирдсан тус сургуулийн 3А ангийн сурагч Г.Гэгээн ахлагчтай “DIAMOND” баг АЛТАН медаль
Ерөнхий боловсролын Солонго SF сургуулийн 11А ангийн сурагч Ж.Хонгорзул, Б.Тэргэл нарын удирдсан тус сургуулийн 4Б ангийн сурагч Э.Ивээл ахлагчтай “EAGLES” баг МӨНГӨН медаль
Ерөнхий боловсролын Арвис сургуулийн 12А ангийн сурагч Саруулын удирдсан тус сургуулийн 4А ангийн сурагч А.Тэмүүлэн ахлагчтай “FOUX ”баг ХҮРЭЛ медаль

5-6 ангийн сурагчийн ангилалд:

Ерөнхий боловсролын Солонго SF сургуулийн 11А ангийн сурагч М.Амин-Эрдэнэ, Г.Тэргэл нарын удирдсан тус сургуулийн 5А ангийн сурагч Э.Жаргал ахлагчтай “POWER” баг АЛТАН медаль
Ерөнхий боловсролын Арвис сургуулийн 12А ангийн сурагч Бат-Оршихын удирдсан тус сургуулийн 5А ангийн сурагч Ц.Отохүү ахлагчтай “БҮХНИЙГ ЧАДАГЧ ”баг МӨНГӨН медаль
Зохион бүтээгч академийн суралцагч Ц.Цогт-Эрдэнэ ахлагчтай “ЯЛАЛТ” баг ХҮРЭЛ медаль тус тус хүртлээ.

Тэмцээний нийлбэр дүнгээр Ерөнхий боловсролын Солонго SF сургууль тэргүүн байр эзлэн Зохион Бүтээгчдийн Академийн нэрэмжит цомыг гардан авлаа.