Бусдын автомашины толийг гараараа цохиж, хугалсан иргэнийг 200 мянган төгрөгөөр торгожээ

Замын хөдөлгөөнд оролцох үедээ бусадтай муудалцаж, автомашиныг нь гэмтээсэн иргэнд цагдаагийн байгууллагаас хариуцлага тооцжээ.

Баянзүрх дүүргийн цагдаагийн газраас иргэн “М” нь энэ сарын 22-ны өдөр тус дүүргийн нутаг дэвсгэрт замын хөдөлгөөнд оролцох үедээ “Toyota” маркийн тээврийн хэрэгслийн толийг гараараа цохиж, хугалсан үйлдэлд Зөрчлийн тухай хуулийн 8.8 дугаар зүйлийн 1 дэх хэсэгт зааснаар 200 нэгжтэй тэнцэх 200,000 төгрөгөөр торгох шийтгэл оногдуулсан байна.