Баянгол дүүрэгт байрлах “Голден парк-2” хотхонд 30-наас 31-нд шилжих шөнө 12 цагийн үед гал гарчээ. Галыг унтраахаар ОБЕГ-аас аврагчид яаралтай ирсэн ч гал унтраах машин орох боломжгүй замын улмаас саатжээ.

Энэ талаар иргэн, “Галын машин Цоглог хотхоны урд талын бетонон хашаанд тулаад хоёр талаар нь битүү машин тавьсан тул цаашаа явах боломжгүй болоод зогссон. Яаралтай үед галын болон түргэний машин явах энэ замын нэг талыг чөлөөтэй байлгах арга хэмжээ авахгүй бол гэнэтийн эрсдэлд өртөх магадлал өндөр байна.

Иймд машинуудын зогсоолыг нэг талд нь гаргаж Яаралтай үед галын болон түргэний машин орох, гарах нөхцөлийг бүрдүүлэх арга хэмжээг авахаар холбогдох СӨХ, дүүргийн Замын цагдаатай хамтран мэдээлэл солилцож байна” гэлээ.

About Author

mnews2

See author's posts