Согтуугаар жолоо барьж сургуулийн автобус мөргөжээ

Согтуу жолооч жолоодож явсан тээврийн хэрэгсэл сургуулийн хүүхэд тээвэрлэж явсан автобусыг мөргөжээ.

Өчигдөр /02.20/ 19:10 цагт Дотоодын цэргийн 05 дугаар ангийн гадна замын урд автобусны буудал орчимд T.rumion маркийн тээврийн хэрэгслийн жолооч нь согтууруулах ундааны зүйл хэрэглэсэн үедээ жолоо барьж сургуулийн хүүхэд тээвэрлэж явсан автобустай мөргөлдсөн зам тээврийн осол гаргасныг тус ангийн жижүүрийн алба хаагч зөрчил гаргагчийг түр саатуулж, тухайн хэсгийн замын хөдөлгөөнийг зохицуулж, шуурхай бүрэлдэхүүнд хүлээлгэн өгсөн байна.

Ослын улмаас бэртэж гэмтсэн хүнгүй, шалгалтын ажиллагаа үргэлжилж байна хэмээн ЦЕГ-аас мэдээллээ.