ТОЙМ: Дундаж тэтгэврийн хэмжээ 785.6 мянган төгрөг болж нэмэгдлээ

Улс, оронд өнгөрч буй долоо хоногт өрнөсөн онцлох үйл явдлуудыг тоймлон хүргэж байна.

ТЭТГЭВРИЙГ 100 МЯНГАН ТӨГРӨГӨӨР НЭМЭГДҮҮЛЭХЭЭР ШИЙДВЭРЛЭЛЭЭ

ХНХ-ын сайд Х.Булгантуяа, Нийгмийн даатгалын сангаас олгож байгаа болон Цэргийн албан хаагчийн тэтгэврийн хэмжээг 2024 оны 4-р сарын 1-нээс эхлэн 100 мянган төгрөгөөр нэмэгдүүлэхээр шийдвэрлэлээ.

Ингэснээр 499.2 мянган тэтгэвэр авагч хамрагдана. Энэ нэмэгдэлд 449.3 тэрбум төгрөг зарцуулж, дундаж тэтгэврийн хэмжээ өнөөдөр 685.6 мянга байгаа бол нэмэгдсэнээр 785.6 мянган төгрөг болно. Мөн хувь тэнцүүлсэн тэтгэврийн доод хэмжээ 440 мянгаас 100 мянган төгрөгөөр нэмэгдэнэ. 

• “Импортын татвараас чөлөөлснөөр 50кг-ын гурил Улаанбаатарт 70-80 мянган төгрөгөөр зарагдах боломж бүрдэнэ”
• Гадаад валютын улсын нөөц 5 тэрбум ам.долларыг давж, түүхэн дээд хэмжээнд хүрэв

НАМ, ЭВСЭЛ, НЭР ДЭВШИГЧИД МӨРИЙН ХӨТӨЛБӨРТӨӨ АМЛАЛТ ОРУУЛАХ ЁСГҮЙ

УИХ-ын 2024 оны ээлжит сонгуульд оролцох нам, эвслийн  мөрийн хөтөлбөрт дүгнэлт гаргах ажлын хэсгийн нарийн бичгийн дарга Б.Батчимэгтэй ярилцлаа.

Тэрбээр “Амлалт өгсөн, хуульд нийцээгүй байх, төсвийн хуулиудад зааснаас өндөр дүн тавьсан, бичиг баримт нь боловсруулалтын шаардлага хангаагүй гэх мэт зөрчлүүд байсан. Эдгээрийг хэлж тайлбарлаад нэг удаа мөрийн хөтөлбөрийг буцааж, засах боломж олгодог. Хоёр удаа буцаана гэсэн ойлголт байхгүй” хэмээн ярилаа. Ярилцлагыг унших бол ЭНД дарна уу.

• Х.Алтанхуяг: ХҮН, ИЗНН, Шинэ намуудын эвсэл АН-д “сүйрэл” авчрах гэж байна
• Л.Гүндалайг “Ард түмний хүч“ намын даргаар бүртгэлээ

МОНГОЛ УЛС АЗ ЖАРГАЛЫН ҮЗҮҮЛЭЛТЭЭР ӨНГӨРСӨН ЖИЛИЙНХЭЭС 16 БАЙР УХРАВ

Лхагва гарагт 2024 оны “World Happiness Report”  буюу аз жаргалын тайланг танилцуулсан. Манай улс нийт 143 орноос 77 дугаарт эрэмбэлэгдсэн байна. Энэ нь өнгөрсөн жилийнхээс 16 байр ухарсан үзүүлэлт юм. Тодруулбал Монгол Улс 2023 оны аз жаргалын тайланд 61 дүгээр байранд бичигдэж байсан.

Тэгвэл хамгийн аз жаргалтай орноор Финланд улс долоо дахь жилдээ тодорч байна. 

• Амар тайван аюулгүй нийгэм бүрдүүлэх хөтөлбөрийн хэрэгжилт 91 хувьтай байна
• 30-аас доош насныхны аз жаргалын үзүүлэлтээр Монгол Улс 143 улсаас 86 дугаарт байна
• Дэлхийн хамгийн их агаарын бохирдолтой 100 хот Ази тивд байна

ГССҮТ ГУЯНЫ ШӨРМӨСӨӨР МӨРНИЙ ШӨРМӨСИЙГ НӨХӨН СЭРГЭЭХ ДУРАНГИЙН МЭС ЗАСЛЫГ АМЖИЛТТАЙ ХИЙЛЭЭ

Спортын гэмтлийн тасгийн эмч, мэргэжилтнүүд Монголд анх удаа мөр эргүүлэгч шөрмөсний сэргээх боломжгүй урагдалд үений дурангийн мэс заслын аргаар гуяны шөрмөс шилжүүлэн нөхөн сэргээх эмчилгээг амжилттай хийжээ.

ГССҮТ-ийн салбар эмнэлгийн Спортын гэмтлийн тасгийн эрхлэгч, үений дурангийн эмч С.Батсүхээр ахлуулсан тус баг бүрэлдэхүүнд Монгол Улсын Хүний гавьяат эмч, клиникийн профессор, зөвлөх зэргийн эмч Б.Бүргэд, их эмч Б.Эрдэнэболд, С.Золжаргал, О.Амгаланхүү болон мэдээгүйжүүлгийн эмч Ө.Оюунчимэг, мэдээгүйжүүлгийн сувилагч Д.Айтолхын, Төрийн соёрхолт мэс заслын сувилагч Б.Жавзандулам нар багтсан байна.

Б.МӨНГӨНТУУЛ ТҮРГЭН ТОГЛОЛТЫН ОЛОН УЛСЫН ТЭМЦЭЭНД 650 ШАТАРЧИНТАЙ ӨРСӨЛДӨЖ ТЭРГҮҮЛЛЭЭ

ОХУ-ын Бүгд найрамдах Буриад улсын нийслэл Улаан-Үд хотод “Сагаалха-2024” шатрын түргэн тоглолтын олон улсын тэмцээн энэ сарын 15-17-ний өдрүүдэд боллоо. Тэмцээнд нийт 650 шатарчин өрсөлдсөний 12 нь  Их мастер цолтон байв.

Эмэгтэйчүүдийн ангилалд Үндэсний шигшээ багийн тамирчин, Их мастер, гавьяат тамирчин Б.Мөнгөнтуул алтан медаль хүртсэн бол дэд байрт Үндэсний шигшээ багийн тамирчин, Их мастер Т.Мөнхзул орлоо. 

About Author