“АН-ын амь нас шийдэгдэж байхад утас холбоогоо салгаад алга болдог намын дарга байдаг юм уу” хэмээн Г.Баярсайхан жиргэжээ
Энэ сарын 20 /2024.05.20/-ны өдөр АН-ын Үндэсний бодлогын хороо хуралдаж тус намаас УИХ-ын сонгуульд нэр дэвшигчдээ тодруулах хурлыг хийсэн. Гэтэл АН-ын ҮБХ-ны тус хурлын үеэр тооллогын комисс нь ажиллаж, нэр дэвшигчдээ батлах тогтоолыг албан ёсоор батлаагүй гэх шүүмжлэлийг зарим хүмүүс хэлж буй.
Учир нь АН-ын дарга Л.Гантөмөрийг 126 нэр дэвшигчдээ зарлах үеэр ҮБХ-ны зарим гишүүд нь түүнийг эсэргүүцэж үймээн самуун дэгдээсэн, улмаар тэрбээр хурал болж буй заалыг орхин явсан гэх мэдээлэл ч байгаа юм. Мөн өнгөрөгч Бямба гараг /2024.05.25/-т АН-ын нэр дэвшигчдийн нэрсийг Сонгуулийн ерөнхий хороонд өгөх үеэр маргаан гарч, тус нам УИХ-ын сонгуульд оролцохгүй болох эрсдэлтэй ч тулгарсан байдаг. Харин одоогоор АН-ын дарга Л.Гантөмөр намынхаа төв байранд ирэхгүй, зарим гишүүд нь хайж байж магадгүй байна.
Магадгүй энэ талаар УИХ-ын гишүүн асан Г.Баярсайханы твиттер хуудастаа, “Ардчилсан намын амь нас шийдэгдэж байхад бүх утас холбого таслаад алга болдог намын дарга байдаг юм уу?! Намын дарга эрэн сурвалжилж байна!” хэмээн жиргэжээ.
About Author
