БАЯНХОНГОР: Салхи зарим үед 22м/с хүрч ширүүснэ

Энэ сарын 20, 21-нд Баянхонгор аймгийн хангайн уулархаг нутгийн зарим газраар бага зэргийн цас орно. Салхи 20-нд говийн нутгаар, 21-нд хээр тал болон говийн нутгаар секундэд 12-14 метр, зарим үед секундэд 22 метр давж ширүүсч шороон шуурга шуурахыг аймгийн УЦУОША-наас мэдээлэв.

Энэ долоо хоногт хүйтний эрч бага зэрэг чангарч, хангайн уулархаг нутгаар шөнөдөө -18-23 градус, өдөртөө -7-12 градус, тал хээрийн нутгаар шөнөдөө -15-20 градус, өдөртөө -3-8 градус байна. Харин говийн нутгаар шөнөдөө -10-15 градус хүйтэн, өдөртөө -2+3 градус дулаан, Эхийнголын Баянбүрд орчмоор шөнөдөө -0-5 градус хүйтэн, өдөртөө +2+7 градус дулаан байх аж.