БЕГ: Цэцэрлэг эхлэхээс 7 хоногийн дотор хүүхдээ урьдчилан сэргийлэх шинжилгээнд хамруулаарай

Хүүхдийн цэцэрлэг эхлэхээс өмнө урьдчилан сэргийлэх шинжилгээнд хүүхдүүдээ хамруулах нь чухал болохыг Боловсролын Ерөнхий газраас анхаарууллаа.

Тэгвэл цэцэрлэгийн насны хүүхдүүд ямар шинжилгээнд хамрагдсан байх ёстой вэ. Үүнд:

-Цагаан хорхой буюу шимэгч хорхойн өндөг илрүүлэх шинжилгээ

-Шээсний ерөнхий шинжилгээ

Шинжилгээг хаана өгч болох вэ

-Дүүрэг, өрхийн эмнэлэг

-ЭМЯ-ны тусгай зөвшөөрөлтэй хувийн хэвшлийн эмнэлэг, лаборатори

Цэцэрлэг эхлэхээс 7 хоногийн дотор шинжилгээгээ өгсөн байхад анхаараарай.

Мөн Монгол улсад Улаанбурхан өвчин бүртгэгдсэнтэй холбогдуулан ЭМЯ, ХӨСҮТ-ээс өгсөн зөвлөмжийн дагуу хэрэв Таны хүүхэд улаан бурханы вакцинд хамрагдаагүй бол өрхийн эмнэлэгтээ хандахыг зөвлөж байна.