Танилц: Аймаг, нийслэл, сум, дүүргийн ИТХ-ын ээлжит сонгуулийн САНАЛЫН ХУУДАС

Аймаг, нийслэл, сум, дүүргийн ИТХ-ын ээлжит сонгууль энэ оны аравдугаар сарын 11-нд болно.

Сонгуулийн ерөнхий хорооны энэ сарын 9-ний өдрийн 199 дүгээр тогтоолоор тус сонгуульд ашиглах саналын хуудасны загварыг баталсан. Саналын хуудас нь “Аймаг, нийслэлийн Иргэдийн төлөөлөгчдийн хурал”, “Сум дүүргийн Иргэдийн төлөөлөгчдийн хурал” гэсэн хоёр хэсэгтэй байх ба тухайн сонгогч өөрийн дэмжиж буй нэр дэвшигчийн өмнөх зууван дүрсийг дүүргэн будаж саналаа өгөх юм.

Мандатын тооноос илүү нэр дэвшигчийг тэмдэглэсэн бол тус санал хүчингүйд тооцогдоно гэж Сонгуулийн ерөнхий хорооноос мэдээллээ.