П.Сайнзориг: Гурав, дөрвөн нүдтэй хурга ишиг ярьсаар байгаад эдийн засгийн томоохон төслийг зогсоодог шүү

Аюулгүй байдал, гадаад бодлогын байнгын хороо хуралдаж байна. Энэ үеэр УИХ-ын гишүүн П.Сайнзориг үг хэллээ.

Тэрбээр “Ураны гэрээ бол Оюутолгойн гэрээний дараа хийгдэж буй томоохон ажил. Үүнийг урагшлуулахын тулд мэдээллээ зөв өгөөд явах хэрэгтэй. Энэ гэрээг урагшлуулах зүй ёсны шаардлага Монгол Улсад бий. Энэ хууль хэлэлцэх, гэрээ хэлэлцээр явахтай зэрэгцээд шантаажлагчдын арми амилна. Үүнд автмааргүй байна. Монгол Улс шийдвэрээ гаргаж сурмаар байна. Гурав, дөрвөн нүдтэй хурга ишиг ярьсаар байгаад эдийн засгийн томоохон төслийг зогсоодог шүү. Цаашид хэлэлцээрийн Монгол Улс санхүүгийн эрсдэлгүйгээр хэрэгжүүлэх учиртай” гэв.