А.Отгонбаатарыг өндөг шидэж, бусдын биед халдсан гэж үзэн зөрчлийн хэрэг нээн шалгаж байна

Өнгөрсөн есдүгээр сарын 16-ны өдөр Боловсролын сайд П.Наранбаяр мэдээлэл хийх үеэр “Үнэн ба зөв” намын дарга асан А.Отгонбаатар эсэргүүцэл илэрхийлж, өндөг шидсэн үйлдэл гаргасан байдаг.

Энэ үеэр Боловсролын сайдын зөвлөх Т.Отгонбаатар түүнтэй гар зөрүүлж, улмаар цагдаагийн байгууллага хэрэгт холбогдогчдоос мэдүүлэг авч эхэлсэн билээ. Тэгвэл “Үнэн ба зөв” намын дарга асан А.Отгонбаатарт цагдаагийн байгууллагаас хэрэгт холбогдогчийн эрх, үүргийн тухай танилцуулжээ. Тодруулбал, А.Отгонбаатар нь “Багш нарын цалинг нэм, 45 хоногийн курст суусан багш нарыг ажлаас нь хал гэж өндөг шидэж танхайрсан, уг үйлдлийг таслан зогсоох гэсэн Т.Отгонбаатарын биед халдсан гэх үйлдэлд зөрчлийн хэрэг нээж, хэрэг бүртгэлтийн ажиллагаа явуулж буй талаар мэдэгдсэн байна.