ХӨСҮТ-ийн захирлаар Э.Анхбаярыг томилно
Халдварт өвчин судлалын үндэсний төвийн захирлаар Улсын хоёрдугаар төв эмнэлгийн дэд захирал Э.Анхбаярыг томилох сурагтай. Тэрбээр Улсын хоёрдугаар төв эмнэлгийн ерөнхий мэс заслын эмчээр ажиллаж байжээ.
Энэ талаар ХӨСҮТ-ийн ерөнхий захирлын албан үүргийг хавсран гүйцэтгэгч Ж.Байгалмаагаас тодруулахад үгүйсгээгүй бөгөөд удахгүй шинэ захирлыг томилно гэсэн юм. Одоогийн үүрэг гүйцэтгэгч Ж.Байгалмаа нь 2021 онд өөрийн хүсэлтээр ажлаа өгч байсан ч удалгүй энэ албанд буцаж орсон байдаг.
Эрүүл мэндийн сайд Т.Мөнхсайхан 2021 онд ХӨСҮТ-ийн захирал асан Д.Нямхүүг ажлаас нь чөлөөлснөөс хойш энэ төвийг удирдах захирал тогтоогүй гэж хэлж болно. ХӨСҮТ-ийн захирал асан Д.Нямхүү 2007 онд тус төвийн захирлаар томилогдож байсан бөгөөд 13 жил тус төвийн захирлаар ажиллах хугацаандаа дөрвөн ч удаа халагдсан байдаг. Түүнээс хойш Төрийн тусгай албан хаагчдын нэгдсэн эмнэлгийн даргаар ажиллаж байсан Л.Баттөр, Улсын хоёрдугаар төв эмнэлгийн дэд дарга асан Ц.Билэгтсайхан нар томилогдон ажилласан ч удаагүй юм.
About Author
