Залуу гэр бүлд зориулсан шинэ боломж: Ипотекийн зээлд томоохон өөрчлөлт хийнэ

Гэр бүл, хөдөлмөр, нийгмийн хамгааллын сайд Л.Энх-Амгалан өнөөдөр Орхон аймгийн иргэдтэй уулзаж, Үндэсний орон сууцжуулалтын бодлого болон нийгмийн даатгалын шинэчлэл-ийн хүрээнд хэрэгжүүлж буй ажлуудаа танилцууллаа.

Тэрбээр уулзалтын үеэр Засгийн газраас 2024-2028 онд Хурдацтай хөгжлийн бодлогын хүрээнд дөрвөн том шинэчлэл хийж, хүний хөгжлийн индексийг сайжруулах зорилго тавьсан гэдгийг онцлов.

“Манай улсад жилд дунджаар 17 мянган хос гэрлэлтээ батлуулдаг бол 5 мянган хос гэрлэлтээ цуцлуулдаг гэсэн тоо байна. Үүний гол шалтгааны нэг нь өрхийн орлого бага, орон сууцны хүртээмж хангалтгүй байгаатай холбоотой” хэмээн тэрбээр хэлэв.

Тиймээс Засгийн газраас орон сууцжуулалтын бодлого-д дараах гол өөрчлөлтүүдийг хийхээр төлөвлөжээ:

Ипотекийн зээл-ийг анх удаа орон сууц авч буй залуу гэр бүл, төрийн албан хаагчид, хөгжлийн бэрхшээлтэй иргэнтэй болон олон хүүхэдтэй өрхүүдэд түлхүү олгох;
Ипотекийн зээлийг зөвхөн орон сууц төдийгүй эрчим хүчний хэмнэлттэй, амины орон сууцанд ч олгож, иргэдийн хашаандаа тав тухтай амьдрах нөхцөлийг бүрдүүлэх;
Орон нутагт амьжиргааны түвшинд нийцсэн ипотекийн зээлийн хүртээмжийг нэмэгдүүлэх.

Гэр бүл, хөдөлмөр, нийгмийн хамгааллын сайд Л.Энх-Амгалангийн энэхүү айлчлал нь орон сууцжуулалтын бодлогын шинэчлэл, ипотекийн зээлийн хүртээмжийг нэмэгдүүлэхэд чиглэсэн бодит алхмуудын нэг болж байна.

Эх сурвалж: Гэр бүл, хөдөлмөр, нийгмийн хамгааллын яам