Оюу толгойн ТУЗ: Н.Багабандийн оронд Ж.Таныг томиллоо

Өнгөрсөн долоо хоногт “Оюу толгой” ХХК-ийн ТУЗ-ийн гишүүнээс Ерөнхийлөгч асан Н.Багабандийг чөлөөлсөн. Тэгвэл өнөөдөр оронд нь “Эрдэнэс Монгол” ХК-ийн Тэргүүн дэд захирлаар ажиллаж байсан Ж.Таныг томилжээ.

“Оюу толгой” ХХК-ийн ТУЗ есөн гишүүнтэй бөгөөд нь гурав нь “Эрдэнэс оюу толгой” ХХК-ийг буюу Монголын талыг төлөөлдөг.

Энэ гурван гишүүнд өдгөө “Эрдэнэс оюу толгой” ХХК-ийн захирал Н.Цэрэнбат, С.Баясгалан нар бий. Харин өдгөө Ж.Тана нэмэгдлээ.

Ж.Тана гэж хэн бэ

Ж.Тана АНУ-ын Юта мужийн “Васач Академи” бүрэн дунд сургуулийг дүүргэсэн. Харвардын их сургуулийг эдийн засаг, Зүүн Ази судлалаар бакалаврын зэрэгтэй төгссөн.

Эдийн Засгийн Форумын дэргэдэх Глобал Шэйпэрс нийгэмлэгийн нэрэмжит тэтгэлгийг хүртэж, Оксфордын их сургуульд бизнесийн удирдлагын магистрын зэрэг хамгаалсан.

Үүний дараа “Рио Тинто” компанийн Австрали дахь салбарт ажиллаж байжээ. Мөн дээр дурдсанчлан тэрбээр “Эрдэнэс Монгол” ХК-ийн тэргүүн дэд захирлаар ажиллаж байсан юм.