Ерөнхий прокурорт нэр дэвшигч Б.Жаргалсайханыг Төрийн ордонд хамгаалалтад авав
УИХ-ын Төрийн хамгаалалтын алба Улсын ерөнхий прокурорын албан тушаалд нэр дэвшигч Б.Жаргалсайханыг хамгаалалтад авчээ.
Ерөнхийлөгч У.Хүрэлсүх Улсын ерөнхий прокурор Б.Жаргалсайханыг улираан томилох асуудлыг УИХ-д оруулж ирсэн билээ.УИХ дахь МАН болон АН-ын бүлэг энэ асуудлыг хэлэлцэн дэмжээд байна.
Ерөнхий прокурор намын бүлгүүдэд орж мэдээлэл өгсөн юм. Түүний дараа УИХ-ын Төрийн хамгаалалтын алба Улсын ерөнхий прокурорын албан тушаалд нэр дэвшигч Б.Жаргалсайханыг хамгаалалтад авсан байв. Тодруулбал, Сүхбаатар танхимын баруун жигүүрийг хоёр талаас нь хааж, Улсын ерөнхий прокурорын албан тушаалд нэр дэвшигч Б.Жаргалсайханыг хамгаалалтад авсан юм. Энэ нь хэвлэлийнхэн түүнээс ярилцлага авахыг хориглосон үйлдэл бололтой.
Энэ талаар УИХ-ын Хууль зүйн байнгын хорооны дарга Д.Цогтбаатараас тодруулахад “Ерөнхий прокурорыг хамгаалалтад авах субъект биш” гэв.
