Монголын сагсан бөмбөгийн холбоо болон Монголын Оюутны сагсан бөмбөгийн холбоо хамтын ажиллагааны гэрээ байгууллаа

Монголын Оюутны сагсан бөмбөгийн холбоо нь Оюутан залуучуудын дунд сагсан бөмбөгийн спортыг хөгжүүлэхэд чиглэсэн үйл ажиллагааг олон жил тогтвортой, өндөр түвшинд зохион байгуулж байгаа билээ.

Өнөөдөр МСБХ-ны Ерөнхийлөгч Г. Батцэнгэл, МОСБХ-ны Ерөнхийлөгч О. Тэнүүн нар хамтын ажиллагааны гэрээнд гарын үсэг зурж баталгаажууллаа.

Хамтын ажиллагааны гэрээний хүрээнд Оюутан залуучуудын дунд сагсан бөмбөгийн спортыг хөгжүүлэхэд харилцан бие биенээ бодлогын түвшинд дэмжин хамтран ажиллах ба дасгалжуулагч, шүүгчийн сургалтууд, тоглогчдын төсөл хөтөлбөрүүд хамтран хэрэгжүүлэх, оюутны шигшээ баг байгуулах, Үндэсний дээд лигийн тэмцээнд шинээр элсэх тоглогчдын Драфтыг хамтран зохион байгуулах зэрэг ажлуудыг хамтран хийх юм.

МОСБХ-ны Оюутны лигийн тэмцээний 2024-25 оны улирлын шилдэгүүд шалгаруулах Финалын тоглолтууд өнөөдөр М банк Аренад явагдаж байна.

Финалд шалгарсан багууддаа амжилт хүсье