Д.Батбаяр: Та бүхний зовлонг дэндүү сайн ойлгож,эмзэглэж гашуудаж байгаагаа илэрхийлж сүр хүчит сүрэгт нь өөрийн унаган адуугаа хандивлая
Тусгай сургуулилалт бүхий 18 адуугаа алдсан Морьт харвааны залууст улстөрчид болон уяачид
хурдан хүлгүүдээсээ хандив өргөж буй. Үүнийг үргэлжлэл болгож УИХ-ын гишүүн Далайн Батбаяр
өөрийн унаган, цагаан зүсмийн найман настай адуугаа хандивлажээ.
Тэрбээр энэ талаар “Чуулган дундуур их хэцүү мэдээтэй, эмзэглэж,эмтэрч суусаар сая нэг амьсгаа
авлаа. Өглөөнөөс хойш л өрлүү өм цөм цохиод ер тайван байсангүй. Зүгээр нэг адуу биш, өв соёл,
омогшил, мөрөөдлөө хамт махлуулчхаж.
Морьт харвааны үүсгэн байгуулагч Б.Болдбаатарын философийг би үнэнхүү биширч, хүндэллээ.
Түүний Өв соёлыг таниулах туйлын зорилго, өөр хоорондоо ялгаатай олон хүүхдийг зөв замд залах
гэсэн хүсэл хэр баргийн аавын хүүгээс гарахгүй үнэт зүйл юм. Би бага залуугаас аавыгаа дагаж
морьтой нөхөрлөж, мориор омогшиж, мориор бахархаж явсаар ирсэн хүн.
Та бүхний зовлонг дэндүү сайн нэвт ойлгож, эмзэглэж гашуудаж байгаагаа илэрхийлж дараагийн сүр
хүчит сүрэгт нь дэм болж өөрийн унаган, цагаан зүсмийн найман настай адуугаар хүлгийн хандив
өгье.
Сэтгэл тайвширч, итгэл батжихаараа шууд чатаар ороод ирээрэй” хэмээв.
About Author
