“Аялал жуулчлалын хөгжлийн төв” ТӨААТҮГ-ыг татан буулгалаа
Өнөөдрийн Засгийн газрын ээлжит хуралдаанаар (2025.08.27) Соёл, спорт, аялал жуулчлал, залуучуудын яамны харьяанд сэргээн байгуулсан “Аялал жуулчлалын хөгжлийн төв” төрийн өмчит аж ахуйн тооцоот үйлдвэрийн газрыг (ТӨААТҮГ) татан буулгах шийдвэрийг гаргалаа.
Энэхүү шийдвэрийг төрийн хэмнэлтийг хангах, төсвийн хөрөнгийг үр ашигтай зарцуулах, чиг үүргийн давхардлыг арилгах бодлогын хүрээнд хэрэгжүүлж байгаа болохыг Засгийн газраас мэдэгдлээ.
