Өсвөр үе, залуучуудын 2025 оны Улсын аварга шалгаруулах барилдаанд оролцогчдыг маргааш бүртгэнэ
Өсвөр үе, залуучуудын 2025 оны Улсын аварга шалгаруулах барилдаанд оролцогчдыг маргааш буюу 2025.10.30-нд Монгол бөхийн өргөөнд бүртгэнэ. Барилдаан 2025 оны 10 дугаар сарын 31, 11 дүгээр сарын 1,2-ны өдрүүдэд Монгол бөхийн өргөөнд зохион байгуулагдана.
НАСНЫ АНГИЛАЛ:
Өсвөрийн барилдаан 16, 17, 18 насны ангиллаар зохион байгуулагдана.
- 16 насанд: 2009.01.01-2009.12.31-ний хооронд төрсөн хөвгүүд,
- 17 насанд: 2008.01.01-2008.12.31-ний хооронд төрсөн хөвгүүд,
- 18 насанд: 2007.01.01-2007.12.31-ний хооронд төрсөн хөвгүүд тус тус барилдана.
ЗАЛУУЧУУДЫН БАРИЛДААНД:
19-20 нас: 2005.01.01-2006.12.31-нд төрсөн залуучууд оролцоно.
Нас бүрд 21 аймаг, нийслэлийн 9 дүүргийн харьяат тэнд сурч, амьдардаг, аймаг болон дүүргийн аварга шалгаруулах барилдаанд түрүүлсэн нэг бөх, мөн бөхийн дэвжээд, нийгэмлэг клуб, биеийн тамирын сургуулиудаас тус бүр нэг төлөөлөл оролцоно. Эдгээр бөхчүүд нь дэвжээ болон нийгэмлэг, клубт албан ёсоор харьяалагддаг болон биеийн тамирын сургуульд суралцдаг нь үнэн болохыг тодорхойлсон албан тооттой байна.
