“УБТЗ” ХНН эмэгтэй ажилтнууддаа зориулан “Balance health wellness center” төвийг нээжээ
Манай улсын хамгийн том ажил олгогч “Улаанбаатар төмөр зам” ХНН нь 16 мянга гаруй ажилтантай бөгөөд тэдний 6500 гаруй нь эмэгтэйчүүд юм.
Тус нийгэмлэг эмэгтэйчүүдийнхээ эрүүл мэндийг дэмжих ажлын хүрээнд “Balance health wellness center” төвийг байгуулжээ.
Хамгийн сүүлийн үеийн тоног төхөөрөмж, тав тухтай орчин бүрдсэн энэхүү төв нь төмөр замчин эмэгтэйчүүдэд саун, маникюр, педикюр зэрэг гоо сайхны үйлчилгээ үзүүлэхээс гадна бариа засал, усан болон цахилгаан эмчилгээ зэрэг эрүүл мэндийн нөхөн сэргээх цогц эмчилгээ үйлчилгээ үзүүлж байна. Мөн өдрөөр болон хоногоор үйлчилгээ үзүүлдэг. Энэхүү төвөөр төмөр замчин эмэгтэйчүүд гэлтгүй гаднын эмэгтэйчүүд ч үйлчлүүлж болох юм.
Эх сурвалж: “УБТЗ” ХНН
