Монгол Улсын Гавьяат тамирчин Э.Цэндбаатар тэргүүтэй 6 боксчин IBA холбооны ДАШТ-д өрсөлдөнө
Арабын Нэгдсэн Эмират Улсын Дубай хотноо энэ сарын 2-ноос 13-ныг дуустал сонирхогчдын боксын IBA холбооны Дэлхийн Аварга Шалгаруулах Тэмцээн (ДАШТ) болно.
Нийтдээ 8 сая ам.долларын шагналын сантай тус тэмцээнд манай улсаас зургаан боксчин оролцохоор болжээ.
Тодруулбал
Г.Ган-Эрдэнэ,
Х.Энх-Амар,
Э.Цэндбаатар,
Д.Алтангэрэл,
А.Жандос,
Х.Бехнур нар өрсөлдөх юм.
Олон Улсын Боксын Холбоо буюу IBA нь ОХУ-ын бизнесмэн Умар Кремлевийн удирддаг холбоо билээ. Энэ удаагийн ДАШТ-д 95 орны тамирчин хурд хүчээ сорино гэж тус холбооноос мэдэгдсэн байна.
