“Шунхлай” групп амжилт гаргасан шилдэг тамирчдадаа хүндэтгэл үзүүллээ
“Шунхлай” групп эх орныхоо нэрийг өндөрт өргөж, дотоодын гадаадын тэмцээн уралдаанд амжилттай оролцсон ивээн тэтгэдэг тамирчдаа хүлээн авч уулзжээ.
Тодруулбал, Монгол Улсын гавьяат тамирчин, Э.Халиунболд “Дакар Ралли – 2026”-гийн нийт тамирчдаас 16-д бичигдэж, “шилдэг шинэ тамирчин”-ы цом хүртсэнээр түүхэн амжилт үзүүлээд саяхан эх орондоо ирсэн.
Мөн Улсын Арслан Б.Орхонбаяр “ЕРӨНХИЙЛӨГЧИЙН ЦОМ”-ын барилдаанд хоёр дахь удаагаа түрүүлсэн юм. Түүнчлэн “SG Apes” баг Монголын сагсан бөмбөгийн холбооны “Холбооны Цом- 2025” тэмцээний аваргаар шалгарсан. Цаашлаад Монгол Улсын “Үлэмж дархан мэргэн” С.Ямааранз ахлагчтай баг үндэсний шагайн харвааны “ЕРӨНХИЙЛӨГЧИЙН ЦОМ”-ын тэмцээнд манлайлж, “Алдар”-ын цомын эзэд болсон юм.
