Л.Энх-Амгалан: Намайг сандал ширээнд дуртай хүн гэж битгий бодоорой
Эх сурвалж: Zuv.mn
Боловсролын сайд П.Наранбаяр өөрийн хүсэлтээр сайдын ажлаа өгөх өргөдлөө өгсөн билээ. Дараагийн Боловсролын сайдаар Л.Энх-Амгаланг томилохоор болсон.
Энэ талаар тэрбээр тайлбар өгчээ.
Л.Энх-Амгалан “Нэгэнт Засгийн газар, Ерөнхий сайд санал тавьж нөгөө талаас үүрэг өгч байгаа учраас татгалзах эрх алга. Намайг сандал ширээнд дуртай, үргэлж сайд болдог хүн гэж битгий бодоорой. Би өмнө нь Боловсролын салбарт 3.8 жил сэтгэл, чадвараа дайчлан ажиллаж байсан. Энэ салбарын шинэчлэлийг хийхийн төлөө хамт олонтойгоо гар нийлж зүтгэсэн.
Өнгөрсөн хоёр жилийн хугацаанд миний эхлүүлсэн ажлууд идэвхтэй явсан бол өнөөдөр нэг ангид 50-60 хүүхэд суухгүй байсан. Багш нарын цалингийн асуудал хэрүүл маргаан болохгүй шийдэх боломжтой байсан. Тэгэхээр цаашдаа Боловсролын багц хуулийнхаа ажлыг идэвхжүүлнэ” гэв.
