Монголд амьдарч буй 833 вьетнам иргэний дийлэнх нь үйлчилгээ, уул уурхайн салбарт ажиллаж байна
Монгол Улсын Ерөнхийлөгч У.Хүрэлсүх Бүгд Найрамдах Социалист Вьетнам Улсад төрийн айлчлал хийж буй.
Айлчлалын хүрээнд визийн шаардлагаас чөлөөлөх тухай Засгийн газар хоорондын хэлэлцээрт холбогдох сайд нар гарын үсэг зурснаар хоёр улсын иргэд 30 хүртэлх хоногийн хугацаанд харилцан визгүй зорчих нөхцөл бүрдэж байгаа юм.
Монголчууд Вьетнам улсад аялж, амрах зорилгоор зорчих нь их бол вьетнамчууд манай улсад ажил хөдөлмөр эрхлэх нь их байна.
Тодруулбал Гадаадын Иргэн Харьяатын Газар(ГИХГ)-аас өгсөн мэдээллээр 2023 оны аравдугаар сарын байдлаар Вьетнам улсын 833 иргэн Монголд ажиллаж амьдарч байна. Тэдний дийлэнх нь С6 буюу үйлдвэрлэл, үйлчилгээ, С3 буюу геологи, уул уурхай, газрын тос, эрчим хүчний салбарт хөдөлмөр эрхэлж байгаа аж.
About Author
