Цэргийн алба хаагчид хаваржилт хүндэрсэн аймгуудын малчдад тусална

УОК-ын Шуурхай штабаас өнөөдөр Сүхбаатар, Дорнод, Төв аймгийн Онцгой комиссын гишүүдтэй цахим хурал хийлээ. Энэ үеэр дээрх аймгуудад үүссэн нөхцөл байдалтай холбогдуулан Зэвсэгт хүчний 11 ангийн нийт 210 гаруй хугацаат цэргийн алба хаагч, 21 тээврийн хэрэгсэлтэйгээр үүрэг гүйцэтгэнэ. Тиймээс алба хаагчдыг малчны хотонд очих аюулгүй байдлыг хангах, ажлын багаж хэрэгслээр хангаж ажиллахыг аймгийн Онцгой комист үүрэг болголоо. Алба хаагчид тухайн орон нутгийн хүн хүч багатай малчин өрхүүдэд тусалж, зуданд хорогдсон, цасанд дарагдсан малын сэг зэмийг цэвэрлэх, шар усны аюулаас урьдчилан сэргийлэх арга хэмжээг авч ажиллах юм.