Б.ГАНТИГИЙГ 30 ХОНОГ ЦАГДАН ХОРИХ ШИЙДВЭР ГАРЛАА

“Их Бит” ХХК-ийн “IHC” койныг анхдагч зах зээлд гарган хөрөнгө татан төвлөрүүлсэн этгээдүүдэд холбогдох хэргүүдийн шалгагдах явц үргэлжилсээр буй.

Өнгөрсөн хоёрдугаар сарын 14-ний өдөр О.Мөнхжинд эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1.3 дахь хэсэгт заасан “гэмт хэрэг үйлдэж болзошгүй үндэслэл бүхий баримт, мэдээлэл байгаа” гэдэг үндэслэл хэргийн нотлох баримтуудаар тогтоогдсон тул 1 сарын хугацаагаар цагдан хорих таслан сэргийлэх арга хэмжээ авч шийдвэрлэсэн юм.

Тэгвэл Сүхбаатар дүүргийн эрүүгийн хэргийн анхан шатны шүүхэд яллагдагч Б.Гантиг /койн, ЭХТА-18.19-2.1/-т цагдан хорих таслан сэргийлэх арга хэмжээ авах тухай прокурорын саналтай шүүх хуралдаан өнөөдөр болжээ.