Г.Отгонтамир: 17 машин мөргөлдсөн, гэмтсэн хүний тоо одоогоор тодорхойгүй байна

Өнөөдөр өглөө 17 автомашин мөргөлдсөн томоохон осол гарсан. Энэ хэргийн талаар ТЦА-ны Урьдчилан сэргийлэх хэлтсийн ахлах мэргэжилтэн Г.Отгонтамираас тодрууллаа.

ТЦА-ны ахлах мэргэжилтэн Г.Отгонтамир: Хэмжилт хийгээд дуусаж байна. Одоогоор замын зорчих хэсгийг чөлөөлөх арга хэмжээг авч байна. Өглөө 08:20 минутад цагдаагийн байгууллагад Чингис хаан олон улсын нисэх буудал явах замд олон тооны автомашин мөргөлдлөө гэдэг дуудлага ирсэн. Гэмтэл авсан жолооч, зорчигч нарыг ГССҮТ-д хүргэж өгсөн. Одоогоор гэмтсэн хүний тоо тодорхойгүй, эрүүл мэндийн байгууллагаас мэдээлэл хараахан авч амжаагүй байна. Орон нутгийн автозам шуургатай байгаа учир онцын шаардлагагүй бол хол замд зорчихгүй байхыг анхааруулж байна